Чулман

КАДРЛАР СӘЯСӘТЕ: маршрут төзелде 🛞KAMA TYRES мәктәп укучыларын шина комплексы һөнәрләре дөньясы белән таныштыруны дәвам итә. Бу юлы компания вәкилләре - корпоратив культураны үстерү һәм яшьләр сәясәте бүлеге начальнигы Ольга Прокопьева һәм һөнәри ориентация буенча белгеч Рөстәм Сәлахетдинов 10нчы һәм 16нчы мәктәпләрнең 8-11 сыйныф укучылары белән очрашты. 💬 Алар укучыларга шина комплексы, анда хезмәт куючы һөнәр ияләре һәм мәктәптә укыган елларда ук химия, физика, информатика, математика фәннәре тирән өйрәтелә торган профильле класслар аша профессия юлына кереп китү мөмкинлеге турында сөйләде. 🎯 Маршрутның алдагы тукталышы: урта техник белем бирү яки югары уку йорты. Аннан соң – шина комплексында эш. Шул рәвешле, предприятиеләргә җитештерү процессы белән таныш булган әзер белгечләр килә. Максатлы уку – эш урынына гарантия. Бу хакта җитди уйланучылар инде бар. ❓ Укучыларның соравы күп: укырга ничек керергә, практика узарга, заводта эшләү яшьләргә нәрсә бирә һәм башкалар. Хезмәт хакы, KAMA TYRESның Россия һәм чит илләрдәге көндәшләре, институт тәкъдим иткән программалар белән кызыксындылар. Димәк, укучылар өчен тема актуаль. Рөстәм Сәлахетдинов: - Безнең бурыч – һөнәрләр турында гына сөйләү түгел, ә укучыларга үз юлын аңлы рәвештә сайларга ярдәм итү. KAMA TYRES предприятиеләрендә эшләүнең тотрыклылык, заманча технологияләр һәм үсү өчен реаль мөмкинлекләр булуын аңлатабыз. 📚 KAMA TYRESның һөнәри юнәлеш бирү программасы «МӘКТӘП → НИТ → НХТИ → KAMA TYRES» моделе буенча эшли һәм 2026-2030 елларга исәпләнгән. Димәк, алда – яңа очрашулар, экскурсияләр, мастер-класслар һәм интеллектуаль уеннар. #KAMATYRES #ҺөнәриЮнәлеш #ПредприятиеләрЯшьләре

БӘЙГЕ: иң яхшы проект командасы Ел саен уздырыла торган “Иң яхшы проект лидеры” бәйгесенең нәтиҗәләре игълан ителде. “Иң яхшы проект командасы” номинациясендә җиңүче – НМЗның ЦОСП начальнигы Петр Бушков җитәкчелегендәге команда: Владимир Дементьев (НМЗ, ЦОСП инженеры), Алексей Ярославлев (НМЗ, ЦОСП инженеры), Валерий Сармаев (НМЗ, ЦОСП мастеры), Марат Закиров (НМЗ, ОК начальнигы), Динар Шәйморзин (НМЗ, КТО начальнигы), Андрей Белкин (НМЗ, КТО әйдәүче инженеры), Игорь Бреднев (НМЗ, ПДО начальнигы), Павел Исаев (НТЦ, ООИиР инженеры). 📝 Проект Җыю цехларындагы экструзив җиһазлар өчен ике агымлы әйләнмәле муфтаның камилләштерелгән конструкциясен эшләү 📊 Максат Җитештерү процессының нәтиҗәлелеген арттыру, чыгымнарны киметү. ⚒ Нәрсә эшләнгән: – муфтаның эчке трубкасы ике төрле вариантта монтажланган; – әйләнмәле ике муфта урынына берне куллана башлау. 📍Нәтиҗә Әлегә кадәр читтән кайтарыла торган муфталар хәзер механика заводының электр-механика цехында җитештерелә. Хәзер шундый утыз деталь алар йөк шиналары заводы җыю цехының тоташ металл кордлы шиналар (ЦМК) җитештерү участогындагы агрегат-машиналарда кулланыла. #KAMATYRES #Бәйге #Проект #Нәтиҗәлелек